Nabulabog ang netizens sa pagta-Tala Challenge ng magkasintahang Maine Mendoza at Arjo Atayde sa Twitter.

Wish ko lang na mainit pa rin ang suporta ng fans ni Maine. Disappointing kasi ang box office results ng recent movies niya na Isa Pa, With Feelings at Mission Unstapabol: The Don Identity.

OK lang ba iyon kay Maine, basta maligaya siya sa piling ni Arjo? Kaya niyang harapin maging ang pagiging Bituing Walang Ningning, o ang Bukas, Luluhod Ang Mga Tala Challenge.

oOo

LITMUS TEST KAY JULIA

Bongga ang career ni Bea Alonzo noong nagdaang taon. Kumita ang dalawang pelikula niya,ang horror na Eerie, at ang drama na Unbreakable.

Marami pa rin ang nagre-react sa social media basta may hugot siya sa pagiging sawi. Sapul na sapul si Gerald Anderson, kaya tingnan natin kung susuportahan ng advertisers ang bagong teleserye ni Gerald na A Soldier’s Heart.

Sabi-sabi, ngayong Enero na ipalalabas ang zombie movie na Block Z, kung saan bida sina Julia Barretto at Joshua Garcia.

Mabango sa advertisers at televiewers si Joshua. OK ang tambalan nila ni Janella Salvador sa The Killer Bride.

Litmus test sa career ni Julia ang kahihinatnan ng Block Z sa takilya.